Oila — bu muqaddas dargoh. Uning mustahkam va daxldorligi jamiyat taraqqiyotini bеlgilaydi. Oila va jamiyat tushunchalarini bir-biridan ayro holda tasavvur qilib bo’lmaydi. O’zbеkiston Rеspublikasi Konstitutsiyasining XIV bobi “Oila haqida” bo’lib, unda oila va jamiyat tushunchalari hamda davlatning ularga bo’lgan munosabati yoritiladi. Ushbu bobning 63-moddasida: “Oila jamiyatning asosiy bo’g’inidir hamda jamiyat va davlat muhofazasida bo’lish huquqiga ega. Nikoh tomonlarning ixtiyoriy roziligi va tеng huquqliligiga asoslanadi”, dеya izohlangan. Bundan ko’rinib turibdiki, jamiyatni oila tashkil qiladi. Oila va jamiyat birdamlikda bir-birini to’ldiradi.

( Давомини ўқиш )

Oila tarbiyasi ota-onalar yoki shaxs kamoloti uchun mas'ul shaxslar tomonidan tashkil etiluvchi hamda farzandlarni har tomonlama etuk, sog'lom etib tarbiyalashga yo'naltirilgan pedagogik jarayon. Ota-onalar o'zlarining ijtimoiy burchlarini bajarar ekanlar, farzandlarida mehnatga, uni tashkil etuvchilarga nisbatan mehr-muhabbat, hurmat tuyg'usini shakllantirish, ularni ijtimoiy-foydali mehnatga tayyorlash, turli ko'rinishdagi munosabatlarni uyushtirish vaqtida tartib-intizomga amal qilish, ijtimoiy me'yorlarga og'ishmay rioya etish, sog'lom turmush tarzini yaratish, o'z shaxsiy hayotlari mazmunini belgilashda maqsad, so'z va faoliyat birligini ta'minlash borasida har tomonlama ijobiy ibrat namunasini ko'rsatadi. Shaxs shakllanishiga ta'sir etishning ijtimoiy-ruhiy asosiga ega oila jamiyatning ajralmas bo'lagi sifatida ijtimoiy vazifalarni bajarish bilan birga o'ziga hos xususiyatlarni ham akslantiradiki, bunday xislat psixologik qarama-qarshilik hamda harakterlar to'qnashuvidan iborat ijtimoiy munosabatlardan toliqqan inson organizmi ning ishchanlik qobiliyatini qayta tiklash uchun zarur bo'lgan mo''tadil iqlimni hosil qila oladi. Bu tuyg'u halqimiz ruhiyatidagi o'ziga hos xususiyatlardan biridir.

( Давомини ўқиш )

“Маҳаллада дув-дув гап” фильмини кўрмаган киши бўлмаса керак. Фильмдаги бир эпизодда она ўғлига қарата “Эркак киши хотиннинг яхши ёмонини қайдан билсин, уйлансанг мен топган қизга уйланасан. Гап тамом, вассалом” деган қатъий сўзини билдиради. Она бироз баджаҳл бўлса-да, ўғлининг тақдирига бефарқ эмаслиги фильм давомида кўриниб туради. Аслида ҳам оналар фарзанди бахти камоли учун қайғурадиган, астойдил жон куйдирадиган мўътабар зот ҳисобланади.

( Давомини ўқиш )

Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси томонидан “Жамиятнинг асосий бўғини сифатида оиланинг ҳуқуқий кафолатлари: унинг фаровонлигини ошириш омиллари” мавзуида давра суҳбати ташкил этилди.

Унда Қўмитанинг бир гуруҳ депутатлари томонидан Ўзбекистон Республикаси Оила кодексининг айрим моддаларига ўзгартиш ва қўшимчалар киритиш тўғрисидаги қонун лойиҳаси бўйича иш олиб борилаётгани ва ушбу ўзгартиш ва қўшимчаларнинг мазмун-моҳияти ҳақида маълумот берилди.

Қонун лойихасининг мазмунига кўра, Кодекснинг 15, 160, 205-моддаларига ўзгартиш ва қўшимчалар киритиш назарда тутилмоқда. Хусусан, 15-модданинг биринчи қисмига ўзгартиш киритиш орқали эркаклар ва аёллар учун белгиланган никоҳ ёшини тенглаштириш, яъни 18 ёш этиб белгилаш таклиф этилмоқда.

( Давомини ўқиш )

Ўзбекистон Республикаси Президенти И.А.Каримов «Юксак маънавият — енгилмас куч» асарида «Ҳар қайси миллатнинг ўзига хос маънавиятини шакллантириш ва юксалтиришда, ҳеч шубҳасиз, оиланинг ўрни ва таъсири беқиёсдир. Чунки инсоннинг энг соф ва покиза туйғулари, илк ҳиссий тушунча ва тасаввурлари биринчи галда оила бағрида шаклланади», — деб эътироф этган эдилар.(И.А.Каримов. Юксак маънавият — енгилмас куч. Т., «Маънавият», 2008. 52-б.)

64 фоиз аҳолиси ёшлардан иборат бўлган мамлакатимизда оилавий тарбиянинг ўрни янада беқиёс. Фарзандлари тарбиясига ёшлигидан алоҳида эътибор берган, мунтазам шахсий ибрат кўрсатиб юрган, ўғил-қизлар ва набираларининг кунлик ўқиш — иш фаолиятини назоратга олиб бораётган жуда кўплаб оилалар борки, булар биз учун ибрат тимсолидир.

( Давомини ўқиш )

Oila va uning jamiyatda tutgan o‘rni haqida ko‘plab mulohazalar, fikrlar aytilgan. Haqiqatan ham bu shunday muhitki, unda vatanni suymoq, odamlarni, tabiatni qadrlamoq, ota-onaga hurmat va ehtiromda bo‘lmoq darslari o‘qitiladi. Oila qo‘rg‘onini qo‘riqlay olgan yigit, vatan qo‘rg‘oni uchun jonini ham qurbon qiladi. Onalarimiz, opa-singillarimiz va qizlarimizga bo‘lgan, mehr-muhabbati gulga kiradi, barg yozadi. Millat oilada shakllanadi.

( Давомини ўқиш )

Ҳар қайси миллатнинг, ҳар бир инсоннинг маънавиятини шакллантиришда оиланинг ўрни беқиёс. Инсонга хос бўлган энг самимий ва беғубор туйғулар, ҳаёт тўғрисидаги дастлабки тасаввурлар, атроф-муҳитга муносабат, энг аввало, оилада шаклланади. Ўсиб келаётган ёш авлоднинг келажакда комил инсон сифатида шаклланиши учун муҳим бўлган дунёқарашини, характерини белгилаб берадиган маънавий мезонлар — олижаноблик, инсонпарварлик, меҳр-оқибат, эзгулик, ор-номус, меҳнатсеварлик, катталарга ҳурмат, кичикларга шафқат каби юксак тушунчаларнинг барчаси оилада туғилади.

Оила маънавияти-унинг аъзолари ўртасидаги ўзаро ҳурмат, меҳр-оқибат, одоб-ахлоқ, таълим-тарбия ва бошқа инсоний туйғулардир. Президентимиз таъкидлаганларидек: "… Айнан оила муҳитида пайдо бўладиган ота-онага ҳурмат, уларнинг олдидаги умрбод қарздорлик бурчини чуқур англаш ҳар қайси инсонга хос бўлган одамийлик муносабатларининг негизини, оиланинг маънавий оламини ташкил этади". (И.А.Каримов. Юксак маънавият-енгилмас куч. Т., «Маънавият», 2008. 52-53-б.)

( Давомини ўқиш )

Оилада эркакнинг етакчилиги биз учун менталитетимиз тақозо этган даражада табиий. Бироқ, афсуски кейинги йилларда бундан гумонсирайдиган фикрлар, мулоҳазалар, илмий башоратлар, ишланмалар матбуотда, ҳатто муқовали қалин китобларда ва ғарбнинг баъзи ижтимоий фанлари олимлари маърузаларида пайдо бўлмоқда.

Эркаклар билан аёлларнинг жамиятда тенглигини биз асосий қонунимизда ҳам, бошқа муҳим ҳужжатларда ҳам тан олингани бор гап ва улар амалиётда ижро этиб келинмоқда. Хотин-қизлар фуқаролик жамиятининг тенг ҳуқуқли аъзолари сифатида унинг неъматларидан эркаклар билан бирдек баҳраманд бўлмоқдалар. Уларнинг ўз орзу-ниятларини қай тарзда амалга оширишларига тўсиқ ёки фаолиятларига тазйиқ ўтказишга ҳоллари йўқ. Аксинча сайлов компаниялари даврида уларга муайян имтиёзлар бериш кераклиги ҳақида партиялар қарорлари қабул қилгани ҳам барчамизга маълум.

Худди шундай бир пайтда, ғарб матбуотида Ўзбекистондаги аёлларнинг аҳволидан баъзан “қайғурган” мақолалар, таҳлиллар пайдо бўлмоқда. Жумладан, республикамизда аёлларнинг оиладаги роли, уларнинг назарида, тобора пасайиб кетаётганлиги, улар меҳнат қилса ҳам ўзларининг иш ҳақларига эгалик қилмаслиги, келинларга қайноналарнинг зулми ҳаддан ошиқлиги.
Энг қизиқарли томони шундаки, шу каби уйдирмалар ҳақида жар солаётган мухолифларимиз бу сўзлари билан ўзларини инкор қилишаётганини, яъни қайноналарнинг, оналаримизнинг оиладаги ролини тан олиб турибдилар.

( Давомини ўқиш )

Одам боласи пок, аҳлоқан баркамол бўлиш учун тенг имконият билан туғилади. Бироқ ота-оналарнинг фарзанд тарбияси тўғрисидаги билим, ҳафсала ва масъулиятлари турлича. Шу сабабли айрим ота-оналар фарзандларини ўзлари, эл-юртимиз, давлатимиз кутаётганидек тарбиялаб, вояга етказа олмаганларидан аччиқ пушаймонда бўлиш ўрнига турли баҳоналар билан бошқа айбдорларни қидиришга ҳаракат қиладилар. Тарбия нима? Тарбия ўргатишдир. Бола тарбиясида у яшаб турган шароит, муҳит, кишиларнинг роли катта бўлиши билан бир қаторда, асосий ўринда оила, таълим муассасасининг шароити ғоят муҳим аҳамиятга эга. Таълим ва тарбияни ўргатишдан мақсад ҳам, натижа ҳам аниқ бўлиши керак. Ота- она фарзандига истаган пайтда, хоҳлаган моддий нарсасини олиб бериши мумкин экану, аммо маънавий бахтини олиб бериши қийин экан.

( Давомини ўқиш )

...«мустаҳкам оила» деган ғоянинг ҳаётимиздаги амалий ифодасини кўришда, ҳеч шубҳасиз, фуқароларнинг ўзини ўзи бошқариш идораси сифатида ном қозонган маҳалла тизимининг ўрни ва таъсири беқиёсдир. Бунинг исботини ҳар қадамда кўраётганимизни таъкидлаб ўтишни истардим.

Ҳақиқатан ҳам, бундай ноёб тузилма ҳозирги кунда «Маҳалла — халқ виждони» деган юксак таърифга ҳар тарафлама муносиб бўлиб бормоқда.
Айниқса, ёш оилани ҳаётнинг турли тўфонларидан асраш, унинг мустаҳкам оёққа туриб олиши учун елкадош бўлиш, бу борадаги зарур кўмак, маслаҳат кўрсатишда маҳалланинг роли ва аҳамиятини ҳеч нарса билан қиёслаб бўлмайди.

Ислом КАРИМОВ.

Оила — муқаддас даргоҳ. Биргина шу муқаддас сўзининг оилага нисбатан ишлатилишида чуқур маъно ва моҳият мужассам. Зотан, миллатнинг эртанги кунига дастлаб оилада пойдевор қўйилади, унда ҳаётнинг давомийлигини таъминловчи авлод шаклланади, миллий маданият, урф-одатлар, ахлоқий-маънавий қадриятлар асраб-авайланади, жамият тараққиётининг иқтисодий фаровонлик ва маданий юксалишларига асос солинади, мустаҳкамланади.

( Давомини ўқиш )

Oilada shirin-shirin orzular og'ushida, qalblarga quvonch olib farzand dunyoga keladi. O'g'ildir, qizdir alloh bergan ulug' ne'matdir. Qiz bola ulg'ayar ekan uning ilk o'ynaydigan o'yinchog'i, ovunchog'i — qo'g'irchoqdir. Bolalar birga o'ynashar ekan ularning biri ota, biri esa ona, o'yinchoqlar esa farzandlari  bo'lib o'ynashadi. Balkim, shundandir, oila to'g'risidagi tushuncha bolaligimizdan qon-qonimizga singib ketgan. O'zbek xalqi shuning uchun ham oilani muqaddas deb biladi.

Haqiqatdan ham, boshqa xalq turmush tarzini kuzatar ekanmiz, bizdagi oilaga bo'lgan mehr-muhabbat, fidoyilik, oilaning muqaddasligini his qilish, farzand tarbiyasiga bo'lgan munosabat, oilalardagi totuvlik, sabr-toqat, qanoatlilik, insof-diyonat kabi ijobiy fazilatlar faqatgina o'zbek xalqiga, o'zbek oilalariga mosdek tuyuladi kishiga. Ha, oila jamiyatning bir bo'lagidir. Mustahkam oila — mustahkam jamiyatdir. Oilani bir ulkan daraxtga o'xshatsak, uning baquvvat tanasi va ildizi ota va onadir. Shunday daraxtning shoxlari ham sog'lom va ko'rkam bo'ladi. Ildiz va tana ota-ona ekan, bunday sog'lom tana va ildizdan albatta sog'lom shaxslar, yani sog'lom farzandlar dunyoga keladi.

( Давомини ўқиш )

Bundan ancha yillar ilgari bir mahalla fuqarolar yig‘iniga xizmat yuzasidan borganimda u yerda yosh oilaning qo‘ydi-chiqdi masalasi ko‘rilayotgan edi. Ishtirok etdim. Gapning ochig‘i, yosh er-xotinning o‘zaro kelishmovchiligi uzoq vaqtdan buyon  davom etayotgan ekan. Achinarlisi, o‘rtada ikki nafar norasida go‘dak ovorayu sarson.

O`shandagi holat hech ko‘z o‘ngimdan ketmaydi. Mahalla oqsoqolining xonasida er va xotin tomondan  kelgan vakillar joy olgan. Hammaning maqsadi mushtarak: yosh oilani asrab qolish. Tomonlar biri qo‘yib, biri gapiryapti. Kelin tomondan kelgan mahalla fuqarolar yig‘inining xotin-qizlar bilan ishlash komissiyasi raisi aytgan so‘zlar hamon qulog‘im ostida jaranglab turibdi. «Siz turli maishiy, o‘tkinchi masalalarni deb ajrashib ketishingiz mumkin. Lekin, mana bu qorako‘zlarning taqdiri nima bo‘ladi? Siz kelisholmasangiz, til topisholmasangiz bularda nima ayb? Axir, ularni tirik yetim qilish uvol-ku! Ularning kelajagiga bolta urib, kechirilmas gunoh qilayotganingizni bilasizlarmi? Bolajonlar bamisli farishta. Ularning ko‘ngli yarim, dili o‘ksik bo‘lsa, siz hech qachon baxt­li bo‘lolmaysiz, xotirjam yasholmaysiz», — dedi u kuyunib.

( Давомини ўқиш )

Oila mo‘’jaz qo‘rg‘onga o‘xshaydi, uning poydevori, metindek ustunlari bor. Salomatlik — oilaning tamal toshi. Yurtboshimiz qutlug‘ niyat bilan yangi yilni Mustahkam oila yili deb e’lon qildi. Oilaning mustahkamligini belgilovchi asosiy jihatlardan biri — avvalo sog‘lom turmush tarzini shakllantirish, albatta. Bunda qishloq vrachlik punktlari va oilaviy poliklinikalarning o‘rni juda muhim.

Hozir respublikada zamonaviy tibbiy asbob-uskuna, malakali umumamaliyot shifokorlari bilan ta’minlangan 3200 dan ortiq qishloq vrachlik punkt­lari xalqimiz sog‘ligini himoya qilayapti.

Sirdaryo viloyatida ham bu borada ko‘p xayrli ishlar amalga oshirildi, jumladan, aholiga tibbiy xizmat ko‘rsatish takomillashib boryapti. Mavjud 150 ta QVPning 97 tasi  loyiha asosida yangidan bunyod etilgan, 53 tasi qayta tashkil topgan.

( Давомини ўқиш )

Hech kimdan kam bo‘lmagan sog‘lom va barkamol yosh avlodni tarbiyalab voyaga yet­kazish davlatimiz siyosatida yetakchi o‘rin tutadi. Yangi yil tabrigida Yurtboshimiz bu masalaga alohida urg‘u berdi.

Qush uyasida ko‘rganini qiladi deganlaridek, bolaning komil farzand bo‘lib voyaga yetishi, avvalo, oilaga bog‘liq. Shu ma’noda shahrimizdagi maktab va maktabgacha ta’lim muassasalari, mahalla fuqarolar yig‘inining oilalar bilan aloqasini mustahkamlash muhim ahamiyatga ega.

Shuningdek, har bir oilada yuksak tibbiy madaniyat shakllanishi zarur. Sog‘lom turmush tarzining qaror topishi ham oila mustahkamligiga xizmat qiladi.

( Давомини ўқиш )

Оила жамиятнинг асосий бўғинидир ҳамда жамият ва давлат муҳофазасида бўлиш ҳуқуқига эга. Никоҳ томонларнинг ихтиёрий розилиги ва тенг ҳуқуқлилигига асосланади. Ўзбекистон Республикаси Конституциянинг 63-модда 
2012 йил «Мустаҳкам оила йили» деб эълон қилинди. 2012 йилга “Мустаҳкам оила йили” деб ном беришимиз муносабати билан давлат идоралари, нодавлат ва ижтимоий ташкилотлар, хайрия жамғармалари билан биргаликда ишлаб чиқилиб қабул қилинадиган дастурда айни шундай езгу тушунча, орзу-интилишларимиз ўз ифодасини топиши лозим.


( Давомини ўқиш )

Оила тушунчаси ҳақида оғиз кўпиртириб жуда кўп гапиришимиз, катта-катта илмий асарлар битишимиз мумкин. Бу тушунча ҳар бир инсоннинг онгида ҳар ҳил бўлиши ҳам табиий бир ҳол. Аммо, у барибир инсон тушунчаси билан бевосита боғлиқ бўлиб қолаверади. Фақат инсонларгина тўлиқ маънода оила қуришади ва бу қаср ичида ҳает кечириб бола тарбиялашади.
Ҳар бир инсон ҳаёти алоҳида ўрганса арзигулик жуда қизиқ табиий ҳодисадир. Ва айни пайтда мана шу табиатнинг мўъжизаси саналмиш инсон ҳаёти ўз лаззатини, азобу бахтини, ҳузур-ҳаловатини, ҳалоллик ва поклигини, қолаверса тубанлик ва буюклигини, сотқинлиги-ю ва шунга ўхшаш кўплаб хусусиятларини айнан мана шу макон – оиладан бошлайди.


( Давомини ўқиш )

Yosh oilalarni moddiy va ma’naviy qo‘llab-quvvatlash, ularga ko‘mak va imkoniyatlar yaratib berish, tarbiyaviy muammolarni yechish, shuningdek, yosh avlodni hayotga yo‘llashda oila instituti rivojlanishi alohida o‘rin tutadi. Bu ezgu ishlarga munosib hissa qo‘shish partiyamiz dasturiy maqsadlari qatoriga kiradi. Shu bois, Mustahkam oila yili munosabati bilan amalga oshiriladigan ishlarda partiya tashkilotlari, mahalliy Kengashlardagi deputatlik guruhlari va fraksiyamiz faol ishtirok etadi.

Shuni aytish kerakki, mamlakatimizda oila institu­tini mustahkamlash, oilalarning turmush farovonligini oshirish, kishilar o‘z imkoniyatini namoyish qilishi uchun sharoit yaratish, umuman, sog‘­lom hayot tarzini shakllantirish maqsadida zarur qonunchilik tizimi yaratilgan.

Konstitutsiyamizda oilaning jamiyat asosi sifatidagi o‘r­ni, jamiyat va davlat muhofa­zasida bo‘lishi, shuningdek, ota-ona o‘z farzandini voyaga yetguncha boqishi va tarbiyalashi, mehnatga layoqatli farzandlar o‘z ota-onasiga g‘am­xo‘rlik qilishga majburligi, onalik va bolalik davlat tomonidan muhofaza qilinishi belgilab qo‘yilgan.

Oila kodeksida oilaviy mu­nosabatlarda erkak va ayolning teng huquqliligi, ularning shaxsiy hamda oilaviy hu­quq-majburiyatlari, nikoh tuzish tartibi va shartlari, oila­viy munosabatlarda mahalliy urf-odat va an’analar qadrlanishi bilan bog‘liq me’­yorlar o‘z ifodasini topgan. Bularning barchasi oila mustahkamligini ta’minlashga xizmat qiladi.

( Давомини ўқиш )

Mamlakatimizda amalga oshirilgan huquqiy islohotlar samarasida ijtimoiy-huquqiy munosabatlarning bir turi sifatida oila munosabatlarini huquqiy tartibga solishda yangi sifat darajasiga erishildi. Xalqimizga xos bo‘lgan milliy qadriyatlar va an’analar zamonaviy tajribalar bilan uyg‘unlashtirilgan holda yangi oila qonunchiligi shakllantirildi. Shuni aytish kerakki, bugungi kunda oila munosabatlarining huquqiy asoslari yaratildi.

Binobarin, oilaga bo‘lgan e’tibor har doim jamiyat va davlat hayotining eng muhim masalalaridan biri sifatida baholangan. Prezidentimiz Konstitutsiyamizning 19 yilligiga bag‘ishlangan ma’ruzasida 2012 yilni «Mustahkam oila yili» deb nomlashni taklif etib, quyidagi fikrni bildirdi: «Yangi yilga mana shunday nom berishimiz, azal-azaldan xalqimiz uchun muqaddas bo‘lmish oilani hayotimiz tayanchi va suyanchi, jamiyatimizning hal qiluvchi asosiy bo‘g‘ini deb qabul qilishimiz zamirida hech shubhasiz, juda katta ma’­no-mohiyat mujassam. Chun­ki, oila sog‘lom ekan — jamiyat mustahkam, jamiyat mustahkam ekan — mam­lakat barqaror».

Har qaysi millatning o‘zi­ga xos ma’naviyatini shakl­lantirish va yuksaltirishda, hech shubhasiz, oilaning o‘rni va ta’siri beqiyosdir. Chunki insonning eng sof va pokiza tuyg‘ulari, ilk hayo­tiy tushuncha va tasavvurlari birinchi galda oilada shakllanadi. Darhaqiqat, oila jamiyatning asosiy bo‘g‘ini bo‘lib, u barkamol avlod tarbiyasining muhim ob’ekti hisoblanadi.

( Давомини ўқиш )

«Ижтимоий фикр» жамоатчилик фикрини ўрганиш маркази томонидан ўтказилган навбатдаги ижтимоий сўровда мамлакатимизда истиқлол йилларида оилани муҳим ижтимоий институт сифатида ривожлантиришнинг омиллари нималардан иборат, уни мустаҳкамлашда миллий маънавий қадриятларнинг ўрни ва аҳамияти қандай, деган саволларга жавоб олинди.
Ушбу ижтимоий таҳлил оила институти жамиятимизда улкан аҳамиятга эга эканини кўрсатди. Мамлакатимизни ижтимоий-иқтисодий ривожлантириш мақсадида жисмонан соғлом ва маънавий етук авлодни тарбиялаш, жамиятда миллий ва умуминсоний қадриятлар асосида юксак маънавиятни шакллантириш Президентимиз Ислом Каримов раҳнамолигида амалга оширилаётган ислоҳотларнинг асосий устувор йўналишларидандир. Бу борада белгиланган вазифаларни амалга оширишда оила институти зиммасига катта масъулият юкланган. Оила бу борада зарур имкониятлар ва салоҳиятга эга.
Мақоланинг давомини мана бу ерда ўқиш мумкин

Дарҳақиқат барчамизга маълумки, келажак авлод ҳақида қайғуриш, соғлом, баркамол инсонни вояга етказишга интилиш минтақамиз фуқароларига хос миллий хусусиятлардандир.

Зеро, баркамол инсон дастлаб оилада вужудга келади, оила муҳитида яхши ёки ёмон инсонлар бўлиб вояга етади.

И.А.Каримовнинг Ўзбекистон Республикаси Олий Мажлис IX — сессиясида «Баркамол авлод — Ўзбекистон тараққиётининг пойдевори» мавзуидаги катта нутқида бугунги кун талабидаги миллий руҳдаги ёшларни маънавий — ахлоқий тарбиялашда ахлоқий тарбиялашда оила, ота — она муҳим ва ҳал қилувчи ўрин тутишига катта баҳо бериб, шундай деган эди: «Бола туғилган кунидан бошлаб оила муҳитида яшайди.

( Давомини ўқиш )