Замонавий ахборот коммуникацион технологияси ва уни амалга ошириш воситаларининг  жадал ривожланиши ахборот жамиятининг шаклланишини олдиндан белгилаб беради. Бундай жамиятда инсон фаолиятининг ҳамма соҳаларида меҳнат қилаётганларнинг аксарияти ахборотларни ишлаб чиқиш, сақ-лаш, қайта ишлаш ва унинг энг юқори шакли — билимларни тарқатиш билан шуғулланади. Бу соҳада Интернет технологиялари муҳим аҳамиятга молик.

Президентимизнинг «Компьютерлаштиришни янада ривожлантириш ва ахборот коммуникация технологияларини жорий этиш тўғрисида»ги фармонида ахборот коммуникация технологиялари соҳасида, биринчи навбатда, дастурий воситаларни, маълумотларнинг ахборот базаларини ишлаб чиқиш, республика, тармоқ ва маҳаллий ахборот коммуникация техни-касини ишлаб чиқиш соҳаларида ишлаш учун юқори малакали мутахассис кадрлар тайёрлаш лозимлиги таъкидланди.

( Давомини ўқиш )

XX асрнинг иккинчи ярми, айниқса, унинг охирги 10 йиллигидан бошлаб ахборотлар оқими кўлами кескин ўсиб борди. Инсоният саноат асридан ахборот манбаи даврга ўтди, бу эса кўпгина фаолият соҳаларида сезиларли ўзгаришларга, дунёда ягона ахборот муҳитининг шаклланишига олиб келди. Ахборот энг асосий ишлаб чиқарувчи ресурслардан бирига, иқтисодиёт ва умуман, жамиятнинг ривожланиш пойдеворига айланмоқда. Бу эса инсоният томонидан ахборотларни қанча- лик тез суръатларда қабул қилиш ва ўзлаштиришини тақозо этмоқда. Акс ҳолда ахборотлар мазмуни эскириб, ўз қийматини йўқотади.

Ахборот алмашиш бўйича янги ахборот коммуникация технологияларининг жамият ҳаётига кириб келиши, давлатлараро ахборот чегараларини бузиб ўтди ҳамда ахборот алмашиш тезлигини минг маротаба ошириш ва ҳажмини орттириш имконини берди.

Мамлакатнинг таянчи ва тараққиёти келажак авлод қўлида эканлигини эътироф этсак, ахборот жамият ҳаётида ёшларимиз Интернет ва ахборот коммуникация технологияларидан фойдаланишининг роли қай даражада деган савол туғилиши, табиий.

( Давомини ўқиш )

     Ахборот коммуникацион технологиялари  ҳозирги вақтда энг долзарб мавзулардан бири бўлиб, ҳар бир соҳани ўрганишда, изланишнинг ва тажриба орттиришнинг турли усуллардан фойдаланиш алоҳида аҳамият касб этади. Айни чоғда боғча ёшидан то мукаммал касбни эгаллагунга қадар янги ахборот коммуникацион технологияларидан фойдаланиш мақсадга мувофиқдир.

     Ҳозирги замон мутахассислари фаолият доиралари қандай бўлишидан қатъий назар, АКТ бўйича кенг кўламдаги билимларга, замонавий ҳисоблаш техникаси, информацион алоқа ва коммуникация тизимлари ва улардан фойдаланиш борасида етарли даражада малакаларга эга бўлиши ва эртанги куни ривожи тўғрисидаги билимларни ўзида мужассамлаштирган бўлиши керак.

( Давомини ўқиш )

Сир эмас, бугунги глобаллашув жараёни ахборот тизимларидан самарали фойдаланишни тақозо этади. Зотан, ахборот оқимининг хилма-хиллиги кенг омма руҳияти ва онг-тафаккурини йўналтирувчи, шакллантирувчи куч сифатида баҳоланмоқда. Шу нуқтаи назардан қараганда, мамлакатимизда ҳар кимнинг фикрлаш ва сўз эркинлиги, ахборотни олиш, излаш ва тарқатиш ҳуқуқлари, оммавий ахборот воситаларининг эркинлиги Конституциямизнинг тегишли моддалари билан мустаҳкамланиб, бир қатор қонун ҳужжатлари билан кафолатланган.

Кўз ўнгимизда рўй бераётган тараққиёт одимларини барча соҳаларда бўлгани каби телекоммуникация тизимида яққол кузатишимиз мумкин. Авваллари фақатгина сўзлашув учун ишлатилган телефон симидан бугун интернет, товушли алоқа ва маълумотлар узатиш каби турли қўшимча хизматлардан фойдаланиш, видеотелефония ва ҳатто телекўрсатувлар кўриш имкони бор. Буларнинг барчаси сўнгги йилларда телекоммуникация тармоғининг изчиллик билан модернизация қилиниши натижасида юзага келди. Ҳукуматимиз томонидан мазкур соҳага энг замонавий воситалар жорий қилинишига катта эътибор қаратилгани боис, бугун юртдошларимиз кўплаб қулайликларга эга бўлмоқдалар.

( Давомини ўқиш )

Фуқаролик жамиятини шакллантиришда давлат-ахборот коммуинкатив функциясини такомиллаштириш муаммолари

       Бугунги кунда замонавий ахборот-коммуникация технологиялари, фан ва техниканинг илғор ютуқлари, хусусан, интернет тизими турли давлатлар ва минтақалар ўртасидаги  чегара ҳамда тўсиқларни очиб бераётгани- интеграция ривожига улкан ҳисса қўшаётганлигини билдирмоқда.

Дунёдаги мислсиз илмий кашфиётлар, улкан техникавий имкониятлар, универсал технологиялар, ахборот тарқатишнинг глобаллашуви, яъни уларнинг бутун курраи заминни ёппасига қамраб олиш жараёни шиддати билан бормоқда. Бунда интернет тизими орқали ахборот алмашув, шунингдек, ғоявий таъсир ўтказиш имкониятлари ҳам тобора кенгаймоқда. Аввало ахборот соҳасидаги глобаллашув инсоният учун, дунёнинг барча ҳудудларидаги одамларнинг ўзаро мулоқоти учун, илм-фан ва маданий бойликларини ўзлаштиришга улкан имкониятлар яратадиган жараёндир.

( Давомини ўқиш )