Мустақиллик бизга барча қадриятларимиз қатори мутафаккир, жаҳон адабиёти тараққиётига улкан ҳисса қўшган Алишер Навоий меросини ўрганишнинг кенг уфқларини очди. Эндиликда унинг ижодини аслича, моҳиятини тушуниб ўрганиш имконияти юзага келди. Ҳар йили Алишер Навоий туғилган кун 9 февралда илмий-анъанавий конференция ўтказилиб келинмоқда.


Буюк сўз султони, ўзбек халқининг улуғ шоири ва мутафаккирига бағишлаб ўтказилаётган тадбирлар Республикамизнинг  барча таълим муассасаларида ўтказилиб келинмоқда. Халқ таълими вазирлиги тасарруфидаги Республика мусиқа ва санъатга ихтисослаштирилган мактаб-интернатида «Аждодлар руҳи мудом қалбимизда» номли тадбир бўлиб ўтди. Тадбирда мазкур мактаб-интернатининг иқтидорли ўқувчилари ўзларининг бадиий чиқишлари билан тадбир иштирокчиларига завқу-шавқ улашдилар.

( Давомини ўқиш )

Юз жафо қилса манга, бир қатла фарёд айламон
Элга қилса бир жафо, юз қатла фарёд айларам
(Навоий)
Халқпарварликнинг бундан юксак ифодасини топиб кўринг-чи! Навоийни Худо халқ хизмати учун яратган эди.
Навоийнинг шахсий ғояси — миллий ғояга, миллий ғоя — унинг шахсий ғоясига айланган эди.
Шоир асарларидаги кўпдан-кўп байтлар шундан далолат беради. Ҳар биримиз шоирнинг кишини  эл-улус хизматига даъват этадиган юзлаб байтларини биламиз, аксарияти ёд бўлиб ҳам кетган.

«Авлиёларнинг» авлиёси, «мутафаккирларнинг» мутафаккири, «шоирларнинг султони», ўзбек адабий тили ва адабиётининг асосчиси, Алишер Навоийнинг бугун 571 йиллиги на фақат Республикамизнинг барча ташкилотларида халқаро миқёсда кенг нишонланмоқда.

( Давомини ўқиш )

Мактаб саҳнаси учун

Ўзбек халқининг улуғ шоири ва мутафаккири Алишер Навоийнинг мактабда ўрганиладиган ва умуман барча асарларида комил инсон тимсоли, унга хос жамики сифатлар ўз аксини топган. Шу боис умумий ўрта таълим мактабларининг Адабиёт дастурида барча синфларга ўқувчилар руҳияти, ёш хусусиятларини ҳисобга олган ҳолда Навоийнинг энг сара асарларидан парчалар киритилган. Бу асарларда одоб-аҳлоқ, тавозе, қаноат, камтарлик, поклик, ҳалоллик, илм, саҳоват, ҳиммат, меҳр-мурувват, карам каби юксак инсоний фазилатлар тараннум этилган. Навоий асарларини ўрганиш ўқувчи қалбини поклаш билан бирга уни она Ватанга муҳаббат, ўтмишига ҳурмат, улуғ аждодлар олдида масъуллик руҳида тарбиялайди, ҳалоллик, комиллик сари етаклайди.

Алишер Навоий асарларини нафақат синфда, балки синфдан ташқари машғулотларда ҳам ўқиб ўрганилиши, турли тадбирлар: Аллома ҳаёти ва ижодини ўрганишга бағишланган адабий кечалар, шеърхонлик, ғазалхонлик беллашувлари, саҳна кўринишлари, адабиётшунос, навоийшунос олимлар билан учрашувлар ўтказилиши ҳам ўқувчилар тафаккурини ўстиради, маънавиятини юксалтиради. Шундай тадбирларнинг доимий, айниқса, Навоий таваллуди кунлари давомида ўтказилишининг аҳамияти каттадир.

( Давомини ўқиш )

Ҳазрат Алишер Навоийнинг 571 йиллик юбилейи олдидан

Алишер Навоий ҳазратлари оталаридан мерос мол-мулклари ва ўзларига давлат амалдори сифатида ажратилган ерлардан келадиган даромад ҳисобидан (ҳазратнинг мол-мулк ва ерлардан келадиган даромадлари кунига 18 минг шоҳруҳий динорни ташкил қиларди) Ҳиротда «Ихлосия» мадрасаси, «Халосия» хонақоҳи, масжиди жомеъ, «Шифоия», «Низомия» мадрасаларини, шу каби Марвда «Хисравия» мадрасасини, Ҳиротдан ташқарида «Работи ишқ», «Работи санг», шоир Аттор қабрига мақбара, Нишопур шаҳри атрофидаги жойлардан бирига «Работи яздобар», Гуласт булоғидан Машҳад томон саксон чақирим узунликдаги ариқ қаздириб, шу ва бошқа ариқларга ўн олтита кўприк барпо эттирганларидан кўпчилигимиз воқифмиз. Шунингдек, бу саховатпеша зот тўққизта ҳаммом, йигирмата ҳовуз, эллик иккита работ, кўплаб тўғонлар, жами уч юздан ортиқ иншоот бунёд қилдирганлар.

( Давомини ўқиш )

Алишер Навоий ғазалларига асосланган концертдан, «Кеча келгумдур дебон ул сарви гулру келмади...» Насиба Қамбарова ўқиган, «Баёт Соқийнома» Музаффаровлар оилавий ансабли ижросида.


 
Маънолари:
e-adabiyot.uz/uzbek/mumoz/navoiy/65-kecha-kelgumdur-debon.html

Ўзбек Навоийни ўқимай қўйса,
Олтин бошнинг калла бўлгани шудир
(Эркин Воҳидов).

Алишер Навоий ўзбек халқининг буюк мутафаккир шоири, улкан жамоат арбоби, бетакрор салоҳият ва маънавият соҳиби бўлган шахсдир.Биз ушбу бобокалонимиз билан ҳар қанча фахрлансак арзийди. Навоийнинг таваллуд куни – барча маърифатли, тараққийпарвар инсонларнинг байрами.

( Давомини ўқиш )