Бу ўсмирнинг ҳаёти ҳам, моддий таъминоти ҳам ҳавас қилгулик эди. Пул, уй-жой, сўнгги русумдаги кийим-кечаклар, яқинларининг меҳри… Аммо, энди у анча йилларгача бу нарсаларга эгалик қила олиш бахтидан маҳрум...

Тошкент шаҳар Бектемир туманидаги ўрта умумтаълим мактабларининг бирида, 9-синфда ўқиётган Шаҳбоз Муҳаммедов (боланинг исми-шарифи ўзгартирилган ҳолда берилмоқда) Ўзбекистон Републикаси Жиноят кодексининг 25-118-модда 3-қисм «а» банди, 119-модда 3-қисм «а» бандлари билан айбдор деб топилиб, 10 йиллик қамоқ жазосига маҳкум этилган.

( Давомини ўқиш )

Дунё тан олган ёзувчи Габриэл Гарсиа Маркеснинг «Ёлғизликнинг юз йили» деган машҳур асари бор. Асарда бир қишлоқ мисолида тараққиётнинг инсоният учун фойдали ва зарарли томонлари хусусида гап кетади. Масалан, олис қишлоққа темир йўлнинг бориши аҳоли учун бир мунча қулайликлар туғдиради. Умрида поездни кўрмаган одамларнинг орзуси рўёбга чиқади. Бу ердагилар учун олис юртларга бориб келиш осон бўлиб қолади. Қишлоқ бозори кун сайин ривож топиб, янги-янги иш ўринлари пайдо бўлади. Одамларнинг даромади ортади. Бироқ, темир йўл сабаб қишлоқда турли тоифадаги кишилар — фолбинлар, фирибгарлар, фоҳишалар, лўлилар пайдо бўла бошлайди.

( Давомини ўқиш )

Дўстимнинг кўпни кўрган боши жонли интернетдек турфа маълумотларга лиқ тўла. У эркак пинг¬винларнинг тухум босиш сиридан тортиб ирокезлар қабиласи шажарасигача билади. Боз устига меҳнаткаш, тиниб-тинчимас, куюнчак йигит. Қўл-оёғи чарчаса, мияга зўр беради. Антиқа муаммоларни топиб, ечим излаб юради. Бирор муаммонинг ечимини тополмаса, тамом: дағдаға билан келиб, «Сен домласан, билишинг керак!» — дея юкини шарт¬та менга ағдаради.

( Давомини ўқиш )

ким айбдор?

— Ота-онам ўртоқларимнинг кимлиги билан қизиқиб туришарди. Мени жиноятга бошлаган ш

еригимни ҳам ота-онам билишарди. Лекин бундай иш қилишини хаёлларига ҳам келтиришмаган...

— Ўқишларингиз қандай эди? — сўрайман маҳбус боладан. 

— Унчалик яхши ўқимасдим… Мактабдан кейин маҳалладаги компьютерхонада администратор бўлиб ишлардим. Ота-онам ўша ерда ишлашимга рози бўлишган…

( Давомини ўқиш )

Касбим тақозоси билан йиллар давомида турли кўрик-танлов, фан олимпиадаларида муваффақиятга эришаётган болаларнинг ўқиш, изланиш, орзу-ўйлари ҳақида дилдан суҳбатлашиб, истеъдод-у ғайратига ҳавасланиб ёзаман. «Шу ёшида халқаро танловларда ном қозонибди, катта бўлгач, ҳали бу иқтидори билан бутун дунёни лол этади!» деб ўйлайман янги авлодимиз билан фахрланиб. Билим олиш жараёнида келажакка катта мақсадлар билан қадам ташлаб, ғоя, таклифларини пухта ишлаб, жамоатчиликка ўз фикрини эркин баён этаётган тийрак, зийрак ўғил-қизлар ҳаракатидан кўнгиллар ғурурга тўлади.

( Давомини ўқиш )

Одамзот учун маънавиятга интилиш ва маънавий сарчашмалардан баҳраманд бўлиш — буюк бахт. Шахснинг маънавий дунёси унинг соғлом турмуш тарзини белгилайди ва бунинг натижасида жисмонан соғломлик ҳам кафолатланади. Шахс маънавий дунёсининг шаклланиши, бойишида таълим-тарбия муассасалари, хусусан мактаб муҳим аҳамият касб этади.

Бир боланинг инсон сифатида комилликка эришгунига қадар унинг учун кимлар тер тўкмайди, заҳмат чекмайди дейсиз! Бу заҳмат ҳосиласи нима экан? Уни ўлчаш, баҳолаш мумкинми?

( Давомини ўқиш )

Инсонни ҳар томонлама баркамол этиб тарбиялаш башариятнинг азалий  орзуси бўлиб, аждодларимиз маърифат ва маданиятни қандай қилиб ёш авлодларга  ўргатиш, уларни комилликка етаклаш йўллари, қонун-қоидаларини излаганлар. Ана шу изланишлар натижасида миллий тарбия асослари шаклланди.

         Тарбия, айниқса баркамол инсон тарбияси бугунимиз учунгина эмас, балки келажагамизнинг ҳам ҳаёт-мамот ишидир. Ҳозирги ёш авлод тўғри тарбия топса, мустақиллик истиқболини тўғри тушунса, шубҳасиз, эришилган ютуқлар истиқболда ўз самарасини беради. Президентимиз И. А. Каримов ҳақли равишда таъкидлаганидек, «тарбия соҳаси ислоҳоти бугунги энг долзарб, эртанги тақдиримизни ҳал қилувчи муаммога айланмоқда" (Баркамол авлод-Ўзбекистон тараққиётининг пойдевори — Т.: 1997й. 5-бет)

         Шу боисдан ҳам истиқболга эришилгач ёшларни миллий руҳда аҳлоқли-одобли қилиб тарбиялаш масаласига бўлган эътибор янада кучайди.Чунки маънавий камол топган инсонларгина порлок  жамият қуришлари мумкин. Ўзбекистон истиқлолини мустаҳкамлашда ва уни ривожлантиришда маънавий соғлом авлодни вояга етказиш ва уларда аҳлоқ-одоб ҳақидаги миллий урф-одатларимизни шакллантириш зарур. Зеро, ҳалқимизнинг қадим-қадимдан амал қилиб келаётган аҳлоқ-одоб фазилатлари маънавиятимизнинг асосидир.

( Давомини ўқиш )